~~META:
title = Прасoдыя
&keywords = прасoдыя
&abstract = Што такое прасодыя? Рытміка, метрыка, вершаванне
&iftrue = nan
~~

====== Прасoдыя ======
Прасoдыя (ад грэч. prosodіa — націск, прыпеў) —\\
1. Раздзел [[слоўнік/вершазнаўства|вершазнаўства]], які вывучае асаблівасці метрычна значных гукавых элементаў мовы, рытмікі, вымаўлення доўгіх і кароткіх складоў, націскных і ненаціскных,іх суадносіны ў вершы. У антычнай Грэцыі прасoдыяй называлі раздзел граматыкі, у якім раскрываўся сэнс націску (першапачаткова музычнага), а таксама працягласці вымаўлення складоў. У XVIII-XIX стст. тэрмін прасoдыя азначаў сукупнасць правіл вершавання (М. Чарнышэўскі і В. Брусаў ужывалі яго як сінонім рытмікі).\\
У сучасным літаратуразнаўстве ён ужываецца пры аналізе [[слоўнік/сістэма-вершавання|вершаваных сістэм]], іх моўных магчымасцей.\\
2. У шырокі м сэнсе — сінонім [[слоўнік/рытміка|рытмікі]] ці [[слоўнік/метрыка|метрыкі]] (і шырэй — [[слоўнік/вершаванне-вершаскладанне|вершавання]]).