~~META:
title = Паронімы
&keywords = паронім
&abstract = Што такое паронім? Прыклады паронімаў
&iftrue = nan
~~

====== Паронімы ======
Паронімы (ад грэч. para — каля і onyma — імя) — словы, блізкія па гучанні, але розныя па значэнні (карыслівасць — карыснасць, лёс — лес, цэзура — цэнзура, жаль — жар, боль — бой). Вобразатворчая «праца» паронімаў добра выяўляецца ў сатырычнай паэзіі, у прыватнасці, у [[слоўнік/эпіграма|эпіграмах]]:

А вось і Ачасан... ачэсан, ды не дужа;\\
Дзе б ён ні сеў, заўсёды сядзе ў лужу.\\
([[постаці/якуб-колас|Якуб Колас]])\\
\\
У вернасці кляўся\\
Адной толькі\\
Кляўзе.\\
([[постаці/рыгор-барадулін|Рыгор Барадулін]])

\\
Нярэдка паронімы вызначаюць сэнсавую сутнасць рыфмы:

Дзе на месцы палацяў\\
будуюцца ў спешцы палацы,\\
заіскрылася песня\\
расінкай на елачнай лапцы —\\
скрыпяць мае лапці...\\
(Данута Бічэль. [[творы/данута-бічэль-загнетава/данута-бічэль-загнетава-фальклор|Фальклор]])

\\
Здараецца, верш цалкам «трымаецца» на паронімах («[[творы/рыгор-барадулін/рыгор-барадулін-даўганосы-сон|Даўганосы сон]]» [[постаці/рыгор-барадулін|Рыгора Барадуліна]], [[творы/леанід-галубовіч/леанід-галубовіч-верш-паэзія|«Паэзія»]] [[творы/леанід-галубовіч/творчасць-леаніда-галубовіча|Леаніда Галубовіча]] і інш.).