~~META:
title = Парадокс
&keywords = парадокс
&abstract = Што такое парадокс? Прыклады выкарыстання парадокса ў беларукай паэзіі
&iftrue = nan
~~

====== Парадокс ======
Парадокс (ад грэч. paradoxos — нечаканы) — своеасаблівае выказванне-меркаванне, якое рэзка разыходзіцца з агульнапрынятым поглядам, супярэчыць (часам толькі вонкава) здароваму сэнсу. Ужываецца звычайна для таго, каб звярнуць увагу на выказаную думку, завастрыць яе, нярэдка з гумарыстычным адценнем.\\
Парадокс блізкі да такіх форм выказвання, як [[слоўнік/афарызм|афарызм]], [[слоўнік/каламбур|каламбур]], [[слоўнік/аксюмаран|аксюмаран]]. Парадокс сустракаецца ў [[слоўнік/прыказка|прыказках]]: «Цішэй едзеш — далей будзеш».\\
У беларускай паэзіі парадокс знаходзім, напрыклад, у вершы [[постаці/уладзімір-караткевіч|Уладзіміра Караткевіча]] «Ты і я...»:

Як мне здужаць ураган і вецер,\\
Вечны мой, зацяты, страшны бой?\\
Як мне, моцнаму, пражыць на свеце\\
Без цябе танюткай і слабой?