~~META:
title = Пантарыфма
&keywords = пантарыфма, пантарым
&abstract = Што такое пантарыфма? Асаблівасці і прыклады ўжывання пантарыфмы
&iftrue = nan
~~

====== Пантарыфма ======
Пантарыфма (ад грэч. panta — усе і rhythmos — суразмернасць) — рыфма, заснаваная на сугучнасці не толькі канцавых, а і ўсіх слоў вершаваных радкоў:

Ой, кум куму ў агародчык вядзе,\\
Ой, кум куме агурочак дае.\\
(Народная песня)

\\
Часцей за ўсё пантарыфма яднае не ўсе радкі вершаванага твора, а толькі некаторыя. Пры гэтым вершарады, як правіла, разбіваюцца графічна на некалькі радкоў, што яшчэ больш падкрэслівае асобныя рыфмы.\\
Вось прыклад пантарыфма ў вершы [[постаці/аркадзь-куляшоў|Аркадзя Куляшова]] «[[творы/аркадзь-куляшоў/аркадзь-куляшоў-над-брацкай-магілай|Над брацкай магілай]]»:

Там жаўцеюць\\
Прыгожыя\\
Краскі\\
За вёскай у лузе...\\
Там ржавеюць\\
Варожыя\\
Каскі,\\
Нібы ў Беларусі.

\\
Да пантарыфмы звяртаюцца [[постаці/васіль-вітка|Васіль Вітка]] («Беларуская калыханка»), [[постаці/рыгор-барадулін|Рыгор Барадулін]] («Журба вясла») і іншыя беларускія паэты. Верш, цалкам напісаны з выкарыстаннем пантарыфмы, называецца **пантарымам**.