~~META:
title = Паліндром
&keywords = паліндром
&abstract = Паліндром як літаратурная гульня. Асаблівасці паліндрома
&iftrue = nan
~~

====== Паліндром ======
Паліндром (гр. polindromeo — той, хто вяртаецца), або пярэварацень — літаратурны твор, радкі якога прачытваюцца не толькі злева направа, але і справа налева, захоўваючы той самы сэнс. Засноўваецца на паліндрамічных магчымасцях асобных слоў (тут, боб) ці выразаў (бурт труб; Аліса касіла, а Ліза вазіла).\\
Паліндром — своеасаблівая літаратурная гульня, якая выяўляе магчымасці пэўнай нацыянальнай мовы і ступень валодання гэтай мовай самім вершапісцам. У беларускай паэзіі быў пашыраны асабліва ў часы [[слоўнік/барока|барока]], у тым ліку ў творчасці [[творы/іншае/сімяон-полацкі|Сімяона Полацкага]]. У пасляваенны час адрадзіўся ў паэзіі [[постаці/рыгор-крушына|Рыгора Крушыны]]. Вось, у прыватнасці, яго "Паліндром" (1975):

Я — сіла. Маліся!\\
Міла палім.\\
Тонкі кнот...\\
Толам умалот.\\
\\
Я — сіла. Маліся!\\
На гару — гураган.\\
Ура! Зару —\\
На барабан.\\


Паэт В. Жыбуль стварыў першую беларускую паэму-паліндром. "Рогі гор" і апавяданне-паліндром "Хам у думах".