~~META:
title = Падтэкст
&keywords = падтэкст
&abstract = Што такое падтэкст? Выкарыстанне падтэксту ў літаратурных творах
&iftrue = nan
~~

====== Падтэкст ======
Падтэкст — глыбінны, прыхаваны сэнс якога-небудзь выказвання ці твора ў цэлым.\\
Падтэкст ляжыць у аснове [[слоўнік/эзопава-мова|эзопавай мовы]], [[слоўнік/іронія|іроніі]], [[слоўнік/алегорыя|алегорыі]], без яго нельга ўявіць [[слоўнік/байка|байку]], [[слоўнік/прытча|прытчу]]. Разам з тым падтэкст шырока выкарыстоўваецца ў драматургіі і тэатры, дзе дзейныя асобы, паводле К. Станіслаўскага, часта «адчуваюць і думаюць не тое, што гавораць», а таксама ў паэзіі (напрыклад, творчасць [[постаці/максім-танк|Максіма Танка]] апошніх дзесяцігоддзяў), прозе (так званы «прынцып айсберга» [[творы/эрнэст-хэмінгуэй|Эрнэста Хемінгуэя]], калі чытач павінен дадумваць тое, пра што вельмі скупа паведаў пісьменнік). Вось невялікі верш-замалёўка В. Шніпа «Вярба» з багатым падтэкстам:

Ляжыць на вуліцы вярба —\\
Як трэску расшчапіў пярун.\\
Спыніўся ля вярбы Антось:\\
— Яе на дровы забяру.\\
— Вярбу мой бацька пасадзіў, —\\
Суседка шпарка падышла.\\
— Твайго шчэ бацькі не было,\\
А ўжо тады вярба была.\\
Каля вярбы перабылі\\
Усе вяскоўцы за паўдня.\\
Апошнім дзед Iгнат прыйшоў\\
I шапку зняў.