~~META:
title = Лімэрык
&keywords = лімэрык
&abstract = Лімэрык (лімрык). Асаблівасці і прыклады
&iftrue = nan
~~

====== Лімэрык ======
Лімэрык (лімрык) — пяцірадковік трохстопнага [[слоўнік/анапест|анапеста]] з рыфмоўкай //**аабба**//; трэці і чацвёрты радкі, як правіла, маюць па дзве [[слоўнік/стапа|стапы]] анапеста. Адносіцца да гумарыстыкі. Шырока карыстаецца парадаксальнасцю, абсурднасцю, неверагоднай выдумкай. У першым радку, як правіла, паведамляецца імя і месца жыхарства персанажа.\\
Узнік лімэрык у Ірландыі. Шырока вядомы стаў у ХІХ ст. дзякуючы творчасці Эдварда Ліра, які выдаў некалькі кніг лімэрыкаў. Звычайна лімэрыкі пішуцца з выкарыстаннем [[слоўнік/каламбур|каламбураў]], неалагізмаў, паэтыкі прымітывізму.\\
Першыя беларускія лімэрыкі надрукаваў А. Хадановіч (некалькі цыклаў лімэрыкаў пад агульнай назвай «Землякі, альбо Беларускія лімэрыкі», 2000-2001). Затым да гэтага віду верша звярнуліся Жбан Няўмера («Дзесяць мяхоў беларускай гісторыі», 2001), С. Балахонаў («Гомельскія лімэрыкі», 2001) і інш. Вось, для прыкладу, лімэрык А. Хадановіча:

Пачатковец-празаік з Нясвіжу\\
Пенталогію склаў для прэстыжу.\\
Як назваць?«Пентагон»?\\
Можа, «Пентамерон»?\\
Перавагу аддаў«Пяцікніжжу».\\
\\
Партызан з Белавежскае пушчы\\
Смажыў бульбу на рыбіным тлушчы.\\
Жыў, нібы багацей,\\
Ды баяўся гасцей,\\
Бо, на жаль, быў зусім непітушчы.\\
\\
Прыгажуні з далёкіх Ждановіч\\
Спадабаўся Андрэй Хадановіч.\\
Тоне ўся ў пачуцці,\\
Цяжка выйсце знайсці,\\
Ды няма безвыходных становішч.