~~META:
title = Лэ
&keywords = Лэ, віралэ
&abstract = Што такое лэ? Сувязь паходжання і эстэтычных функцый лэ і віралэ
&iftrue = nan
~~

====== Лэ ======
Лэ (ад франц. laі — свецкі) — від дзевяцірадковай [[слоўнік/страфа|страфы]], у якую ўваходзяць тры [[слоўнік/трохрадкоўе-тэрцэт|трохрадкоўі]] з рыфмоўкай //ААбААбААб//. Усе трэція радкі трохрадкоўяў кароткія і часам маюць іншы [[слоўнік/памер-вершаваны|памер]]. Сваёй формай нагадвае [[слоўнік/віралэ|віралэ]], з якім вельмі цесна звязаны і паходжаннем, і эстэтычнай функцыяй. У сярэдневяковай Францыі падчас маладзёжных вечарынак хоры юнакоў і дзяўчат пачаргова выконвалі лэ і віралэ.\\
Узор падоўжанага лэ (на 22 радкі ) пакінуў [[постаці/уладзімір-жылка|Уладзімір Жылка]] — верш «Развітанне» (1928). Вось першыя тры страфы гэтага твора:

Пара! Не моўкне хваль гамонка,\\
Спявае вецер свежа, гонка\\
І ветразь плешча — адплывай!\\
Цалуй ў апошні моцна, звонка —\\
Мой сум, як золата пярсцёнка,\\
На сэрца лёг і цісне ўкрай.\\
Але трывог не ўбачаць вонках,\\
Хоць вочы — светлая палонка, —\\
У іх адно, адно пытай...