~~META:
title = Канцоўка
&keywords = Канцоўка
&abstract = Канцоўка літаратурнага твора - заключны кампанент твора ці яго часткі
&iftrue = nan
~~

====== Канцоўка ======
Канцоўка — заключны кампанент усяго або пэўнай часткі (раздзела, страфы) літаратурнага твора.\\
Ад умела знойдзенай канцоўкі ў многім залежыць чытацкі поспех твора. Асабліва гэта датычыць вершаў, дзе выпрацаваны спецыяльныя формы канцоўкі: [[слоўнік/рэфрэн|рэфрэн]], [[слоўнік/кода|кода]], [[слоўнік/пуант|пуант]], мараль (у [[слоўнік/байка|байках]]), нечаканая дасціпная выснова (у [[слоўнік/эпіграма|эпіграмах]], [[слоўнік/пародыя|пародыях]]).\\
Эпічныя творы могуць мець канцоўку ў выглядзе фінальнага пейзажнага малюнка, нейкага афарыстычнага выказвання, [[слоўнік/эпілог|эпілога]] і гэтак далей.\\
Драматычныя творы звычайна заканчваюцца фінальнай рэплікай аднаго з персанажаў. Можа быць і "нямая сцэна" (як у "Ревизоре" Мікалая Гогаля).