~~META:
title = Кант
&keywords = кант
&abstract = Кант і яго асаблівасці. Духоўная лірыка
&iftrue = nan
~~

====== Кант ======
Кант (ад лац. cantus — спевы, песня) — харавая песня-гімн свецкага зместу, пашыраная на Беларусі ў канцы ХV—ХVІІІ стст.

Быў цесна звязаны з [[слоўнік/духоўная-лірыка|духоўнай лірыкай]]. Канты карысталіся рыфмаванымі адзінаццаціскладовікамі і [[слоўнік/трынаццаціскладовік|трынаццаціскладовікамі]] (з адной або дзвюма [[слоўнік/цэзура|цэзурамі]]), а таксама [[слоўнік/страфа|строфамі]] (часта складанымі).\\
Прыйшлі да нас з Чэхіі і Польшчы; дзякуючы найперш [[творы/іншае/сімяон-полацкі|Сімяону Полацкаму]], які ў 1680 г. выпусціў першы зборнік рускіх кантаў, сталі вядомыя і ў Расіі. Існавалі асобныя жанравыя разнавіднасці кантаў: **псальмы** — канты на рэлігійную тэматыку, услаўленча-віншавальныя, лірычныя, жартоўныя і інш.