~~META:
title = Калыханка
&keywords = калыханка
&abstract = Калыханка як адзін з жанраў дзіцячай літаратуры
&iftrue = nan
~~

====== Калыханка ======
Калыханка — адзін з жанраў [[слоўнік/дзіцячая-літаратура|дзіцячай літаратуры]]; простая паводле зместу і выяўленчых сродкаў пяшчотная песенька, пад якую маці закалыхваюць сваіх дзяцей.\\
Дзякуючы калыханцы дзіця хутчэй і лягчэй авалодвае роднай мовай, атрымлівае першыя ўяўленні пра навакольны свет, развівае пачуццё моўнага і музычнага рытму, знаёміцца з асновамі паэтычнай творчасці ([[слоўнік/рытм|рытм]], [[слоўнік/рыфма|рыфма]], [[слоўнік/гукапіс-літаратурны|гукапіс]]).\\
Вось тыповы ўзор беларускай народнай калыханкі:

Люлі-люлі-люлі,\\
Прыляцелі гулі,\\
Селі на варотах\\
У чырвоных ботах.\\
Сталі сакатаці,\\
Нечага ж ім даці.\\
Вынесу ім грыкі\\
Поўны чаравікі,\\
Вынесу пшаніцы\\
Поўны рукавіцы,\\
І ячменю жменю,\\
І гароху троху.

\\
Асобныя беларускія паэты ([[постаці/францішак-багушэвіч|Францішак Багушэвіч]], [[постаці/янка-купала|Янка Купала]], [[постаці/максім-танк|Максім Танк]] і іншыя) выкарыстоўвалі форму народных калыханак, напаўняючы іх грамадзянскім зместам.

 


===== Падобныя старонкі =====
  * [[творы/васіль-вітка/васіль-вітка-калыханка]]
  * [[творы/алесь-камароўскі/алесь-камароўскі-чарнобыльская-калыханка]]
  * [[творы/генадзь-бураўкін/генадзь-бураўкін-калыханка]]
  * [[творы/ніна-мацяш/ніна-мацяш-калыханка-маме]]
  * [[ibdc.ped>калыханка]]