~~META:
title = Дыфірамб
&keywords = дыфірамб
&abstract = Дыфірамб і яго асаблівасці. Прыклад дыфірамба
&iftrue = nan
~~

====== Дыфірамб ======
Дыфірамб (грэч. dіthyrambos) — жанр антычнай лірыкі, блізкі да [[слоўнік/ода|оды]] ці [[слоўнік/гімн|гімна]], урачыстая песня ў гонар багоў, найперш Вакха. Выконваўся звычайна падчас збору вінаграду.\\
Майстрам дыфірамбаў быў старажытнагрэчаскі паэт Піндар (VІ—V стст. да н. э.).\\
У еўрапейскай паэзіі дыфірамб набыў адзнакі твора ўсхваленчага, хвалебнага. Менавіта такімі пачуццямі прасякнуты верш Максіма Танка «Дыфірамб» (1950):

Табе складаю дыфірамб,\\
Пяро маё — таварыш верны,\\
Калі сягоння ў час вячэрні\\
Звіняць лісты, як гулкі ямб.

\\
Сёння гэты тэрмін часцей ужываецца ў іранічным сэнсе — як выяўленне залішняй, неапраўданай пахвальбы.