~~META:
title = Гіпербала
&keywords = гіпербала
&abstract = Што такое гіпербала? Функцыя гіпербалы
&iftrue = nan
~~

====== Гіпербала ======
Гіпербала (грэч. hyperbolé – перабольшванне) – рэзкае перабольшванне якіх-небудзь уласцівасцей чалавека, прадмета ці з’явы з мэтай звярнуць на гэтыя ўласцівасці ўвагу.\\
Функцыя гіпербалы – выявіць эмацыянальныя (станоўчыя або адмоўныя) адносіны пісьменніка да таго, што мадэлюецца. Дадзены [[слоўнік/троп|троп]] з’яўляўся адным з важнейшых сродкаў [[слоўнік/фальклор|фальклору]]. У гераічным эпасе апісанне знешняга выгляду персанажаў, іх моцы, піроў і г. д. перададзена з вялікім перабольшваннем з мэтай стварыць вобраз волата, асілка («Каваль Вярнідуб», «Браты-багатыры»).\\
Ужываецца гіпербала ў самых розных творах пісьмовай літаратуры, у прыватнасці ў [[творы/іншае/слова-пра-паход-ігаравы|«Слове пра паход Ігаравы»]]: «Тому в Полотске позвониша рано у святыя Софеи в колоколы, а он в Кыеве звон слыша», а таксама ў сучаснай паэзіі.\\
Прыём, супрацьлеглы гіпербале, – [[слоўнік/літота|літота]]