~~META:
title = Гашма
&keywords = гашма
&abstract = Гашма як від верша. Асаблівасці і прыклады
&iftrue = nan
~~

====== Гашма ======
Гашма — верш у цюркскай паэзіі, што складаецца звычайна з пяці чатырохрадковых [[слоўнік/страфа|строфаў]], у першай з якіх [[слоўнік/рыфмоўка|рыфмоўка]] (або [[слоўнік/рэдыф|рэдыф]]) перакрыжаваная, у астатніх — тры першыя радкі рыфмуюцца паміж сабой, а чацвёртыя звязаны рыфмай з апошнім радком першага [[слоўнік/чатырохрадкоўе-катрэн|чатырохрадкоўя]].\\
Прыклад гашмы з рэдыфам (праўда, укарочанай, трохстрофнай) — верш С. Панізніка «На ўсе вякі»:

Яшчэ адна вясна яго знайшла!\\
І вылятаюць салаўі са слоў Забэйды,\\
і выяўляецца Радзіма з-пад крыла\\
ашчадных і цярплівых сноў Забэйды.\\
\\
Трымае сэрца бой, пакуль імчаць вятры,\\
вятрам жа не зблудзіць, пакуль жывуць сябры:\\
у сэрцы іх , як у азёры і бары,\\
ўрастуцца песні салаўёў Забэйды.\\
\\
На ўсе вякі Зямлі — Радзіме песні жыць!\\
І будзе нашу памяць варушыць,\\
і снамі, салаўямі даражыць,\\
вянком купальскіх траў з палёў Забэйды.