~~META:
title = Вяснянкі
&keywords = вяснянкі
&abstract = Вяснянкі. Асаблівасці і прыклады веснавых песень
&iftrue = nan
~~

====== Вяснянкі ======
Вяснянкі — жанравая разнавіднасць каляндарна-абрадавай лірыкі (гл.: [[слоўнік/абрадавая-паэзія|абрадавая паэзія]]); народныя песні, якія спяваюць ранняй вясной (пачынаючы з 1 сакавіка) у час гукання вясны,«адмыкаючы» вясну і «замыкаючы» зіму.\\
Вяснянкі генетычна звязаны з іншымі песнямі веснавога цыкла — юраўскімі, велікоднымі, траецкімі, якія адпаведна спяваліся на Юр’я (23 красавіка, калі першы раз выганялі жывёлу на пашу; Юрый лічыўся апекуном жывёлы), на Вялікдзень ([[слоўнік/валачобныя-песні|валачобныя песні]]), на Сёмуху (Тройцу; Сёмуха прыпадае на сёмы тыдзень пасля Вялікадня).\\
У вяснянках апяваецца веснавое абуджэнне прыроды, прылёт птушак, выказваецца надзея селяніна на добры год, багаты ўраджай, вера дзяўчат у добрае замужжа і гэтак далей.\\
Узоры вяснянак — у выданні «Веснавыя песні» (1975). Вось адна з такіх песень:

Жавароначкі, прыляціце,\\
Цёпла лецейка прынясіце,\\
А зімачку прыбярыце,\\
Бо зімачка надаела,\\
Нам хлебушак пераела.\\
Жавароначкі, прыляціце,\\
Зямлю-матачку абудзіце\\
І дожджыкам напаіце,\\
Каб травачкі парасцілі,\\
Каб волікаў накармілі.