~~META:
title = Вайсковыя песні
&keywords = вайсковыя, песні
&abstract = Вайсковыя песні. Асаблівасці і прыклады
&iftrue = nan
~~

====== Вайсковыя песні ======
Вайсковыя песні — жанравая разнавіднасць [[слоўнік/песня|песні]], тэматычна звязаная з вайсковым жыццём. Калісьці ў беларускім [[слоўнік/фальклор|фальклоры]] шырока бытавалі казацкія, рэкруцкія, жаўнерскія песні, у якіх выяўляліся розныя настроі казакоў, рэкрутаў, салдат, звязаныя з воінскай службай, тугой па роднай хаце і каханай дзяўчыне, змаганнем з ворагамі і г. д. Пазней узніклі аўтарскія вайсковыя песні, разлічаныя на спяванне ў вайсковых шыхтах, на прывале, у канцэрце салдацкай самадзейнасці і інш.\\
У 1920 г., падчас першых спробаў стварэння беларускага нацыянальнага войска, [[постаці/янка-купала|Янка Купала]] напісаў цыкл «Песень на ваяцкі лад», разлічаных на спяванне паводле народных мелодый («Будзь здарова, маці міла...», «Гэй, паехаў сын Даніла..., «Габруся ў жаўнерку ўзялі...», «Едзе Янка ў поле...» і інш.). Вось урывак адной з такіх песень:

Гэй, выходзь, бяда,\\
Гэй, выходзь, хто нам\\
Непрыяцель-вораг, —\\
Пачастуем так,\\
Што папомніш век,\\
Ды сатром на порах.\\
Знай, жаўнеры мы,\\
Выйшлі не на жарт\\
Біцца, ваяваці;\\
Знай, хавалі нас\\
Поле, бор і лог\\
Беларусі-маці!\\
(«Ой, вяду бяду...»)

 


===== Падобныя старонкі =====
  * [[слоўнік/валачобныя-песні]]
  * [[слоўнік/восеньскія-песні]]
  * [[слоўнік/вясельныя-песні]]
  * [[творы/ян-чачот/ян-чачот-песні-і-балады]]
  * [[слоўнік/песня]]