~~META:
title = Брахікалан
&keywords = брахікалан
&abstract = Брахікалан як від верша. Асаблівасці і прыклады
&iftrue = nan
~~

====== Брахікалан ======
Брахікалан (ад грэч. brachys — кароткі і kolon — радок) — верш (частка верша), напісаны кароткімі — у адзін склад ці адну [[слоўнік/стапа|стапу]] — радкамі. Гэта стварае надзвычай адметны рытмічны малюнак.\\
Першы беларускі брахікалан напісаў [[постаці/янка-купала|Янка Купала]] («Устань», 1907). Вось яго пачатак:

Устань!\\
Ўсе, глянь,\\
Пайшлі...\\
І вот —\\
Свабод!\\
Зямлі!\\
А ты —\\
Святы —\\
Закіс, —\\
Звёў хлеб,\\
Аслеп,\\
Азыз.

\\
Брахікалан — вельмі рэдкі ў беларускай паэзіі від верша. Унікальнай яго формай з’яўляецца верш, пабудаваны з аднаскладовых слоў. Узор яго ёсць у С. Панізніка («Галасы з-пад карэнняў травы»):

Хто\\
Там\\
Стаў?\\
Свет\\
Ніц\\
Паў.\\
Стрэл,\\
Крык,\\
Мох...\\
Нас\\
Хто\\
Змог?

\\
Своеасаблівы брахікалан, у якім з аднаскладовых слоў зарыфмаваныя толькі цотныя радкі, напісаў [[постаці/алесь-салавей|Алесь Салавей]] («[[творы/алесь-салавей/алесь-салавей-тысяча-дзевяцьсот|Тысяча дзевяцьсот]]»).