Аўтограф (ад гр. autos — сам і grapho - пішу) —

1. Уласнаручны аўтарскі рукапісны або зацверджаны аўтарам машынапісны тэкст літаратурнага твора. Аўтограф - асноўная крыніца для ўстанаўлення аўтэнтычнага тэксту твора, гісторыі яго напісання (гл. тэксталогія). Звычайна Аўтограф пісьменнікаў ашчадна збіраюцца і захоўваюцца ў архівах, рукапісных аддзелах музеяў і бібліятэк;
2. Пісьменніцкі подпіс, надпіс на нейкім дакуменце, кнізе.