~~META:
title = Асананс
&keywords = асананс, алітэрацыя
&abstract = Што такое асананс? Асаблівасці і роля асанансу ў паэзіі. Асанансная рыфма
&iftrue = nan
~~

====== Асананс ======
Асананс (ад франц. assonance — сугучнасць)\\
1. Прадвызначанае пэўнымі мастацкімі задачамі паўтарэнне ў вершаванай мове аднолькавых або падобных галосных гукаў.\\
Як і [[слоўнік/алітэрацыя|алітэрацыя]], асананс дапамагае падкрэсліць асобныя словы, узмацніць інтанацыйна-гукавую выразнасць верша, надаць яму асаблівую мілагучнасць. Напрыклад, у першай страфе верша [[постаці/янка-купала|Янкі Купалы]] «Дзве сястры» сустракаем выразны асананс на **і**, **ы**:

На тутэйшай зямлі\\
Дзве сястрыцы жылі,

Як забытыя ў лесе каліны,

Жыватворных крыніц\\
Не было для сястрыц,—

Яны вялі і сохлі націнай.

\\
Далейшы паэтычны расказ пра дзвюх сясцёр таксама вельмі тонка інструментаваны, прычым «гукавы партрэт» сялянкі тут адзін (асананс на **я**, **а**: «Аж да восені сілы губляла... Кужаль прала, снавала і ткала»), а рабочай — другі ( асананс на **о**: «А другой з году ў год Выядаў, як той крот, Дым фабрычны дзявочыя вочы»);

\\
2. Від недакладнай рыфмы, у якой супадаюць толькі галосныя гукі.\\
Шырока выкарыстоўваецца ў [[слоўнік/фальклор|фальклоры]]:

Бела, свашачка, бела,\\
Як на моры пена.

\\
Не хіляйся, вольха,\\
Бо мне жыці горка,\\
Не хіляйся, сосна,\\
Бо мне жыці тошна.

\\
Часам сугучнасць, заснаваная на падабенстве галосных гукаў, узмацняецца супадзеннем некаторых пераднаціскных і паслянаціскных зычных (**узмоцнены** асананс), як, напрыклад, у рыфме сосна — тошна, дзе, акрамя галосных, супадае і зычны н, а таксама ў рыфмах тыпу зоркі — звонкі, попел — ухопім, стукнуў — сукню і г. д.\\
**Асанансная рыфма** (у гэтым значэнні ўжываецца і такі тэрмін) набыла шырокае распаўсюджанне ў [[творы/іншае/сучасная-літаратура-беларусі/сучасная-паэзія-беларусі|сучаснай паэзіі]], прычым часцей за ўсё выкарыстоўваюцца ўзмоцненыя асанансы, хоць сустракаюцца і звычайныя:

Не спакушай нас высокай песняй\\
Гэтак рана, Галактыка.\\
Як валуны неачэсаныя —\\
У нас цяжкія характары.\\
([[постаці/пімен-панчанка|Пімен Панчанка]].\\
«За вогненнымі вякамі»)\\
\\
Мой дарагі адміністратар\\
з гасцініцы пад назвай «Сож»,\\
ноч для мяне была не стратай,\\
была знаходкай гэта ноч.\\
([[творы/анатоль-вярцінскі/творчасць-анатоля-вярцінскага|Анатоль Вярцінскі]]. «Начны бераг»)