~~META:
title = Апафеоз
&keywords = апафеоз
&abstract = Што такое апафеоз? Апафеоз у літаратуры
&iftrue = nan
~~

====== Апафеоз ======
Апафеоз (ад грэч. apotheosis — абогатварэнне) — узнёслае, урачыстае праслаўленне якой-небудзь з’явы або асобы ў мастацкім творы, часцей у заключнай сцэне музычных сцэнічных твораў.\\
Паняцце можа ўжывацца і ў дачыненні да ўрачыста-ўзнёслых лірычных твораў. Апафеозам рэвалюцыі 1905-1907 гг. можна назваць верш [[постаці/алаіза-пашкевіч-цётка|Цёткі]] «[[творы/цётка-алаіза-пашкевіч/цётка-мора|Мора]]»:

Такі бой вякамі жджэцца,\\
Такі бой гігантаў дасць,\\
У такім бою толькі грэцца,\\
У такім бою толькі пасць!