~~META:
title = Антыфразіс
&keywords = антыфразіс
&abstract = Што такое антыфразіс? Сувязь іроніі і антыфразіса
&iftrue = nan
~~

====== Антыфразіс ======
Антыфразіс (ад грэч. antiphrasis — ужыванне слова ў супрацьлеглым значэнні) — [[слоўнік/стылістычныя-фігуры|стылістычная фігура]], адна з разнавіднасцей [[слоўнік/іронія|іроніі]]. Звычайна сустракаецца ў сатырычных творах. Напрыклад, у байцы [[постаці/кандрат-крапіва|Кандрата Крапівы]] «[[творы/кандрат-крапіва/кандрат-крапіва-мандат|Мандат]]» Асёл, якому «памылкова выдалі мандат», характарызуецца наступным чынам:

Такога ўраз задаў разумнік тону,\\
Такога шуму нарабіў, такога звону,\\
Што не спрачаліся жывёлы ані крышку\\
I палічылі ўсе Асла за шышку.\\
— Ну й розум! Вось дык галава!