~~META:
title = Анапест
&keywords = анапест
&abstract = Што такое анапест? Прыклады
&iftrue = nan
~~

====== Анапест ======
Анапест (ад грэч. anаpаіstos — звернуты назад) —\\
1. Адзін з метраў антычнай і сілаба-танічнай сістэм вершавання, заснаваны на чаргаванні ў вершаваных радках анапестычных стопаў; схема гэтага метра наступная: — —| — —| — —| ...;\\
2. Від трохскладовай стапы з двух кароткіх і заключнага доўгага ([[слоўнік/антычнае-метрычнае-вершаванне|антычнае вершаванне]]) або двух ненаціскных і заключнага націскнога ([[слоўнік/сілаба-танічнае-вершаванне|сілаба-танічнае вершаванне]]) складоў: — —|.\\
Анапест, як і іншыя трохскладовыя стопы, у беларускай паэзіі асабліва пашырыўся з пачатку XX ст. Анапестычным метрам карысталіся [[постаці/янка-купала|Янка Купала]], [[творы/якуб-колас/творчасць-якуба-коласа|Якуб Колас]], [[творы/максім-багдановіч/творчасць-максіма-багдановіча|Максім Багдановіч]] і іншыя паэты. Вось узоры двух-, чатырох- і пяцістопнага анапест:

Ты кашулю мне вышый\\
Палявым васільком,\\
Чырванейшым ад вішань\\
Пераплёўшы сцяжком.\\
(Алег Лойка)

\\
Трэба з сталі каваць, гартаваць гібкі верш,\\
Абрабіць яго трэба з цярпеннем.\\
Як ударыш ты ім, ён, як звон, зазвініць,\\
Брызнуць іскры з халодных каменняў.\\
(Максім Багдановіч. «[[творы/максім-багдановіч/максім-багдановіч-песняру|Песняру]]»)\\
\\
Беларусь — мая маці і мова, паветра і хлеб!\\
Гэта ўзважана сэрцам на нервах расстайных дарог,\\
дзе не раз пад агнём задыхаўся ад дыму і слеп,\\
даставаўся здалёку, слязою абмыўшы парог.\\
([[постаці/анатоль-вялюгін|Анатоль Вялюгін]]. «[[творы/анатоль-вялюгін/анатоль-вялюгін-прызнанне-ў-любові|Прызнанне ў любові]]»)