~~META:
title = Александрыйскі верш
&keywords = Александрыйскі, верш
&abstract = Што такое Александрыйскі верш?
&iftrue = nan
~~

====== Александрыйскі верш ======
Александрыйскі верш – верш, які складаецца з папарна звязаных рыфмай вершаваных радкоў. напісаных шасцістопным [[слоўнік/ямб|ямбам]] з [[слоўнік/цэзура|цэзурай]] пасля трэцяй [[слоўнік/стапа|стапы]]. Пры паўтарэнні ў вершаваным творы некалькіх такіх [[слоўнік/двухрадкоўе|двухрадкоўяў]] абавязковым з'яўляецца чаргаванне ў ім мужчынскіх і жаночых рыфмаў. Узнік у французскай паэзіі, паходжанне яго назвы звязваюць з "Раманам пра Аляксандра Македонскага" (ХІІ ст. ), які напісаны гэтым вершам. Сярод беларускіх паэтаў да александрыйскага верша найбольш часта звяртаўся [[постаці/максім-багдановіч|Максім Багдановіч]], ужываючы яго ў творах, стылізаваных пад старыну ("Перапісчык", [[творы/максім-багдановіч/максім-багдановіч-летапісец|"Летапісец"]]), у сваіх лірычных роздумах. Вось пачатак яго вершаванага апавядання "У вёсцы", напісанага александрыйскім вершам:

Хвалююць сэрца нам дзявочыя пастаці,\\
І душы мацярэй нас могуць чараваці;\\
Вышэйшая краса - ў іх злітнасці жывой!\\
Артысты-маляры схіляліся над ёй,\\
Жадаючы з'явіць цераз свае халсціны\\
Пачуцці мацеры у вобліку дзяўчыны.

 


===== Падобныя старонкі =====
  * [[слоўнік/акцэнтна-складовы-верш]]
  * [[слоўнік/каламыйкавы-верш]]
  * [[слоўнік/цвёрдыя-формы-верша]]
  * [[слоўнік/вершаваныя-жанры]]
  * [[слоўнік/акцэнтны-чыста-танічны-верш]]